Yun hi udaas hai Dil

Yun hi udaas hai Dil
Be-Qarar thori hai,
mujhe kisi ka koi
intezar, thori hai
nazar Mila ke bhi tum
se gila karoon kaise
tumhare dil pe mera
Ikhtiyar, Thori hai
mujhe bhi neend na aaye
usey bhi Chain na ho
humare beech bhala
Itna pyar, thori Hai
khizaan hi dhondti rehti hai
dar-b-dar mujhko
meri talash mein pagal
bahaar, thori hai
na janey koun yahaan
Saanp ban ke Duss jaaye
yahaan kisi ka koi
Aeitbar, thori Hai...!