Titliyon ke mausam mein.....

Titliyon ke mausam mein, nochna gulabon ka,

Reet is nagar ki hai, aur janey kab se hai,

Dekh kar parindon ko, baandhna nishanon ka,
Reet is nagar ki hai, aur janey kab se hai,

Shaher ke ye baashinde, nafraton ko bo kar bhi,
Intizar karte hain, fasl ho mohabbat ki,
Bhool kar haqeeqat ko, dhoondna saraabon ka,
Reet is nagar ki hai, aur janey kab se hai,

Tum bhi nayi ho na, is liye pareshaan ho,
Aasman ki janib, is tarah se mat dekho,
Aafatein jab aani hon, tootna sitaaron ka,
Reet is nagar ki hai, aur janey kab se hai,

Ajnabi fizaon ke, ajnabi musafir se,
Apne har taalluq ko, ,
Daaemi samajh lena,
Aur jab bicharna to,
Maangna duaon ka,
Reet is nagar ki hai, aur janey kab se hai....