Tum Samjhtay Ho.....

Tum Samjhte Ho Har Shaqs Naasamajh Hai
Waqt Ustaad Hai Har Baat Sikha Deta Hai...

Unknown

Photo Credit:Facebook

Shohrat Mili To Neend Bhi ...

Shohrat jo Mili , Neend nein mooh mod liya hai 
Benaam thi jo Zindagi ,  Kitna Sukoon Tha...

Google Gemini

Photo Credit: Laughter Vitamins

Zindagi ki kitaab

Ye Jo Zindagi Ki Kitaab Hai 
Ye Kitaab bhi Kya Kitaab Hai
Kahin Ek Haseen Sa Khwaab Hai 
Kahin Jaan Leva Azaab Hai
Kahin Ansuo’on Ki Hai Daastaan
Kahin Muskurahatein Behisaab Hain
Kayi Chehre Is Mein Chupe Huye
Ek Ajeeb Sa Ye Naqaab Hai
Kahin Kho Diya Kahin Paa Liya 
Kahin Ro Liya Kahin Ga Liya
Kahin Cheen Leti Hai Har Khushi 
Kahin Meharbaan Behisaab Hai
Kahin Chaanv Hai Kahin Dhoop Hai 
Kahin Aur Koi Roop Hai 
Kahin Barkato’on Ki Hain Baarishein 
Kahin Tashnagi Be-hisaab Hai…!!!

Ye Aankh Rone Ki Shiddat Se Laal Thori Hai....

Ye Aankh Rone Ki Shiddat Se Laal Thori Hai
Malal To Hai Magar Itna Malal Thori Hai

Bas Apnay Wastay Hi Fikarmand Hain Sab Log
Yahan Kisi Ko Kisi Ka Khayal Thori Hai

Paro’on Ko Kaat Diya Hai Udaan Se Pehle
Ye Khauf-E-Hijr* Hai Shauq-E-Wisaal* Thori Hai

Mazaa To Tab Hai Ke Tum Jaan-Buujh Ke Haaro
Hamesha Jeet Hi Jana Kamaal Thori Hai

Lagana Parti Hai Dubki Ubharnay Se Pehle
Ghuroob* Hone Ka Matlab Zaval* Thori Hai…

(Parveen Shakir)

Khauf-E-Hijr- Fear of Separation

Shauq-E-Wisaal - pleasure of union

Zaval - after noon when the sun is on the decline

Ghuroob-sunset

Dil per aese bhi ...

Dil per aese bhi azaabon ko utarte dekha

Humne chup chaap Usey khud se bichadte dekha
Tujhko socha to har soch mein khushbo utri
Tujhko likkha to har lafz mehakte dekha
Yaad aa jaye to qaabu nahi rehta dil per
Warna duniya ne bhi humko tarapte dekha
Teri soorat ko faqat aankh hi na tarsi hai
RastoN ko bhi teri yaad mein  rote dekha
Hum mohabbat ke liye aaj bhi dewaane hain
Ye alag baat hai ke tumne nahi murr ke dekha....

Unknown

Abhi sooraj nahi dooba zara si sham hone do

Abhi sooraj nahi dooba zara si sham hone do

Main khud hi laut jaoonga mujhe nakaam hone do
Mujhey badnam karne ke bahanay dhoondte ho kyun..
Main khud ho jaoonga badnam, zara sa naam hone do
Abhi karna nahi bilkul ,aetraaf-e-shikast mujhko
Mai sab tasleem kar loonga, ye charcha aam hone do
Meri hasti nahi anmol, phir bhi bik nahi sakta 
Wafayen beich lena per ,zara neelam hone do
Naye aaghaz mein hi hosla, kyun haar baithey ho...??
Jeet jaogay tum sab kuch, zara anjaam hone do...

Unknown 

Photo Credit:inc42.com

Tum Mohabbat bhi Mausam ki tarah

Tum Mohabbat Bhi Mausam Ki Tarha Nibhatey Ho
Kabhi Barastey Ho Kabhi Ek Boond Ko Tar'saatey Ho
Pal Mein Kehte Ho Zamaney Me Faqat Tere Hain
Pal Mein Izhaar-e-Muhabbat Se Mukar Jaate Ho
Bhari Mehfil Me Dushmanon Ki Tarah Miltey Ho
Aur Duaaon Me Mera Naam Liye Jate Ho
Dayaar-E-Ghair Me Mujh Ko Talash Karte Ho
Miloon To Paas Se Chup Chaap Ghuzer Jatey Ho....

Unknown